عبدالجبار
اسلام آباد۔۔۔۔۔۔۔۔۔۔۔پرائیویٹ حج اسکیم میں درخواست دینے کے خواہشمند افراد کے لئے اہم خبر آگئی ، صرف 60 ہزار نشستیں باقی رہ گئی۔تفصیلات کے مطابق وزارتِ مذہبی امور نے بدھ کے روز بتایا ہے کہ اگلے سال کے حج کے لیے پرائیویٹ حج اسکیم کے تحت 11 ہزار 600 عازمین کی آن لائن بکنگ کا عمل مکمل ہو چکا ہے، جبکہ مزید تقریبا 60 ہزار نشستیں اب بھی دستیاب ہیں۔وزارت نے بتایا کہ پرائیویٹ حج اسکیم کے تحت 71 ہزار 696 کوٹہ مختص کیا گیا ہے، جس کی بکنگ 20 نومبر تک یا تمام نشستیں پر ہونے تک جاری رہے گی۔اس سے قبل حکومت نے 25 اگست کو ڈجیٹل سسٹم کے ذریعے اپنے تمام 107,526 سرکاری کوٹے کی آن لائن بکنگ مکمل کر لی تھی۔25 مجاز حج آرگنائزرز کے ذریعے عازمین کو سرکاری حج پورٹل پر اکانومی، اسٹینڈرڈ اور پریمیم پیکیجز پیش کیے جا رہے ہیں، ان پیکیجز میں مختصر قیام، پاکستان سے باہر سے براہِ راست پروازیں اور فائیو اسٹار ہوٹلنگ کی سہولیات شامل ہیں۔آن لائن ادائیگیوں کی ہدایت: وزارت نے عازمینِ حج کو سخت ہدایت کی ہے کہ وہ واجبات کی ادائیگی کے لیے صرف اور صرف پاک حج موبائل ایپ یا پورٹل کا استعمال کریں۔جعلسازی سے بچا: مالی نقصان اور دھوکہ دہی سے بچنے کے لیے عازمین کو ہدایت کی گئی ہے کہ وہ کسی بھی غیر مجاز فرد یا کمپنی کو براہِ راست رقم جمع نہ کرائیں۔یاد رہے کہ سال 2025 میں پرائیویٹ آپریٹرز کی جانب سے سعودی عرب کی ادائیگیوں کی ڈیڈ لائن مس ہونے پر ہزاروں عازمین حج سے محروم رہ گئے تھے، جس کے بعد سے وزارتِ مذہبی امور نے پرائیویٹ اسکیم کی نگرانی کو مزید سخت کر دیا ہے۔وزارتِ مذہبی امور کے ترجمان نے پرائیویٹ حج اسکیم کے حوالے سے تازہ ترین تفاصیل جاری کرتے ہوئے بتایا ہے کہ حج پورٹل کے ذریعے اب تک 11 ہزار 600 پرائیویٹ عازمین کی بکنگ مکمل ہو چکی ہے، جبکہ پرائیویٹ اسکیم کی 60 ہزار نشستیں تاحال دستیاب ہیں۔ترجمان مذہبی امور نے بتایا کہ حج پورٹل پر عازمین کی سہولت کے لیے اکانومی، اسٹینڈرڈ اور پریمیم حج پیکیجز موجود ہیں۔انہوں نے بتایا کہ 25 منظمین (حج آرگنائزرز) کے اکانٹس میں واجبات کی مد میں 10 ارب روپے موصول ہو چکے ہیں، جبکہ حج پورٹل کے ذریعے 4 ارب روپے سے زائد کی رقم آن لائن جمع کرائی گئی ہے۔وزارتِ مذہبی امور نے عازمینِ حج کو ہدایت کی ہے کہ وہ واجبات کی ادائیگی کے لیے صرف اور صرف رسمی پاک حج ایپ یا پورٹل کا استعمال کریں اور کسی بھی غیر مجاز فرد یا کمپنی کو براہِ راست رقم جمع کرانے سے گریز کریں۔ترجمان کے مطابق پرائیویٹ حج اسکیم کے تحت بکنگ کا عمل 20 نومبر تک جاری رہے گا۔
