اسلام آباد۔۔۔ پاکستان کے معروف ٹیلی کام آپریٹر سی ایم پاک (CMPak) اور ہواوے (Huawei) نے حال ہی میں ایف ڈی ڈی 8x120W الٹرا وائیڈ بینڈ ہائی پاور سلوشن کی کمرشل تنصیب مکمل کر لی ہے۔ یہ نیٹ ورک اپ گریڈ کارکردگی اور توانائی کی بچت کے لحاظ سے ایک بڑی کامیابی ہے، جو پاکستان کی ٹیلی کمیونیکیشن صنعت میں ایک اہم سنگِ میل ثابت ہو رہی ہے۔
گیگا گرین 8T الٹرا وائیڈ بینڈ ہائی پاور سلوشن روایتی 4T سسٹمز کے مقابلے میں نمایاں بہتری فراہم کرتا ہے۔ اعلیٰ درجے کے مواد اور جدید مینوفیکچرنگ ٹیکنالوجی کی بدولت یہ نیا ڈیوائس 44 فیصد ہلکا اور 47 فیصد چھوٹا ہے۔
یہ جدید نظام ہوا کے دباؤ اور پول پر وزن میں کمی لاتا ہے، جس سے ٹرانسپورٹ، انسٹالیشن اور دیکھ بھال کے عمل میں آسانی پیدا ہوتی ہے۔ اس کے ساتھ ساتھ، یہ نظام پہلے کے مقابلے میں 37 فیصد کم توانائی استعمال کرتا ہے جبکہ کوریج اور سگنل کوالٹی میں مزید بہتری آتی ہے۔
یہ پیش رفت نہ صرف آپریشنل اخراجات (OPEX) میں نمایاں کمی لاتی ہے بلکہ سی ایم پاک کو توانائی کی بچت، اخراج میں کمی اور پائیدار ترقی کے اپنے اہداف حاصل کرنے میں بھی مدد دیتی ہے۔
پاکستان میں تیزی سے بڑھتی ہوئی ڈیجیٹل معیشت اور ڈیجیٹل سوسائٹی کے تقاضوں کو دیکھتے ہوئے، سی ایم پاک نے اپنے نیٹ ورک ڈیوائسز میں بہتری کی ضرورت محسوس کی۔ ہواوے کے اشتراک سے تیار کردہ وائیڈ بینڈ اور انٹیلیجنٹ ہائبرڈ بیم فارمنگ ٹیکنالوجی نیٹ ورک کی صلاحیت کو دوگنا کر دیتی ہے، جس سے نیٹ ورک کے دباؤ میں واضح کمی آتی ہے۔
روایتی 4T نیٹ ورکس کے مقابلے میں ڈاؤن لنک کپیسٹی تقریباً دوگنی ہو گئی ہے، جس سے صارفین کے لیے انٹرنیٹ کی رفتار اور سروس کے معیار میں واضح بہتری آئی ہے۔
سی ایم پاک پاکستان میں جدید، تیز رفتار اور مستحکم مواصلاتی خدمات فراہم کرنے کے عزم پر قائم ہے۔ ہواوے کے ساتھ یہ اشتراک نہ صرف ایک تکنیکی پیش رفت ہے بلکہ پاکستان میں “اسمارٹ، گرین اور ایفیشنٹ نیٹ ورک” کی طرف ایک اہم قدم بھی ہے۔
یہ منصوبہ ایک ایسا مضبوط مواصلاتی نظام تشکیل دے رہا ہے جو کم توانائی خرچ کرتا ہے، کم لاگت والا ہے، اور صارفین کو تیز، مستحکم اور قابلِ اعتماد کنیکٹیویٹی فراہم کرتا ہے۔ یہ اقدام پاکستان کے جدید نیٹ ورک اور پائیدار ترقی کی سمت ایک نمایاں سنگِ میل ہے۔
