اسلام آباد۔۔۔اسلام آباد ہائیکورٹ کی جسٹس ثمن رفعت کے خلاف سپریم جوڈیشل کونسل میں شکایت دائر کر دی گئی۔شہری حافظ احتشام کی جانب سے دائردرخواست میں مؤقف اختیار کیا گیا ہے کہ جسٹس ثمن رفعت نے مس کنڈکٹ کیا ہے اور انہیں عہدے سے برطرف کیا جائے۔
شکایت میں کہا گیا ہے کہ جسٹس طارق جہانگیری جعلی ڈگری کیس کی سماعت کے لیے کراچی گئے تو اس دوران جسٹس ثمن رفعت نے اپنے بنچ کی 24 سے 26 ستمبر کی کاز لسٹ منسوخ کر دی۔
مزید مؤقف اختیار کیا گیا کہ جسٹس ثمن رفعت سندھ ہائیکورٹ میں جسٹس طارق جہانگیری کے ساتھ پیش ہوئیں، حالانکہ ان کا اس مقدمے سے کوئی ذاتی کام یا تعلق نہیں تھا۔ شکایت میں الزام لگایا گیا کہ کسی اور جج کے کیس میں دوسرا جج پیش نہیں ہو سکتا لیکن جسٹس ثمن رفعت نے ایسا کر کے بنچ پر اثرانداز ہونے کی کوشش کی۔
درخواست گزار نے مؤقف اپنایا کہ جسٹس ثمن رفعت نے اپنے حلف اور جوڈیشل کوڈ آف کنڈکٹ کی خلاف ورزی کی ہے، اس لیے ان کے خلاف کارروائی عمل میں لائی جائے۔
یقینی طور پر یہ شکایت بھی اُسی طرح ردی کی ٹوکری میں جانے والی ہے جیسے کہ اِس سے پہلے درجنوں شکایات جا چکی ہیں لیکن آگر مقتدرہ کا قانونِ عائد ہوا جو کہ مُلک کے تمام قوانین سے بالا تر ہے تو اِس شکایت کو پہیے لگ سکتے ہیں جیسا کہ جسٹس شوکت عزیز صدیقی کے خلاف شکایت کو لگے تھے اور فیصلہ چند دنوں میں a گیا تھا اور عمل درآمد بھی ھو گیا تھا