غزہ کے بچے امریکی ساختہ بموں سے مارے جا رہے: رکن کانگریس

عبدالجبار
واشنگٹن۔۔۔۔۔۔۔۔۔۔امریکی رکنِ کانگریس راشدہ طلیب نے غزہ میں جاری اسرائیلی کارروائیوں پر امریکی حکومت کو بھی ذمے دار قرار دیتے ہوئے کہا ہے کہ غزہ میں نسل کشی اب بھی جاری ہے۔سماجی رابطے کی ویب سائٹ ایکس پر جاری بیان میں راشدہ طلیب نے کہا کہ غزہ میں بچے امریکی ساختہ بموں سے مارے جا رہے ہیں جبکہ زندہ بچ جانے والے بچے اور دیگر افراد زندگی بھر کے لئے شدید ذہنی صدمے کا شکار ہو رہے ہیں۔انہوں نے مزید کہا کہ امریکی حکومت کو ان ہولناک کارروائیوں میں اپنی شمولیت ختم کرنی چاہیے۔