اسلام آباد۔۔۔پاکستان شوگر ملز ایسوسی ایشن نے ایف بی آر کی جانب سے چینی کی فروخت کو پورٹل کے ذریعے روکنے پر شدید تحفظات کا اظہار کیا ہے۔ ایسوسی ایشن کے مطابق درآمد کی جانے والی چینی کی فروخت اور قیمت پر کوئی پابندی نہیں، جو کہ کھلے تضاد کے مترادف ہے۔
اعلامیے میں کہا گیا ہے کہ اس قسم کی پالیسی سے مارکیٹ میں شدید بحران جنم لے سکتا ہے۔ چینی کی قلت کے باعث قیمتوں میں اضافہ ہوگا جس کی ذمہ داری شوگر انڈسٹری پر عائد نہیں کی جا سکتی۔
شوگر ملز ایسوسی ایشن نے حکومت سے مطالبہ کیا ہے کہ ملک کی تمام شوگر ملوں کو چینی فروخت کرنے کی اجازت دی جائے تاکہ بحران سے بچا جا سکے۔
