بلوچستان فوڈ اتھارٹی کی ملاوٹ شدہ دودھ کے خلاف کاروائیاں:

کوئٹہ (24 ستمبر 2025) — بلوچستان فوڈ اتھارٹی کی جانب سے ملاوٹ شدہ دودھ کے خلاف کریک ڈاؤن جاری ہے، اسپینی روڈ، سبزل، پشتون آباد، کاسی روڈ، سی پیک روڈ اور سمنگلی کے علاقوں میں کارروائی کے دوران 46 گاڑیوں اور 19 دکانوں کی چیکنگ کی گئی، جس میں ایک دکان کو سیل کیا گیا جبکہ 8 دکانوں اور 2 سپلائرز پر جرمانے عائد کیے گئے، ٹیسٹ کے بعد 160 لیٹر دودھ اور 90 کلو دہی تلف کر دیا گیا۔ صوبائی وزیر خوراک نے کہا کہ عوام کو خالص دودھ کی فراہمی حکومت کی اولین ترجیح ہے۔