چھبیس ویں آئی ٹی سی این ایشیا 23 ستمبرکو کراچی میں شروع ہوگی

اسلام آباد۔۔چھبیس ویں آئی ٹی سی این ایشیا کا 23 سے 25 ستمبر تک کراچی میں انعقاد ہوگا،،پاکستان کی سب سے بڑی تین روزہ نمائش کا آغاز وفاقی وزیر برائے آئی ٹی شزہ فاطمہ خواجہ کریں گی۔
ای کامرس گیٹ وے پاکستان کی جانب سے منعقد ہونے والے اس
ایونٹ میں پچاس ہزار سے زائد شرکاء بشمول ٹیک رہنما، سٹارٹ اپس، سرمایہ کار، پالیسی ساز اور سفارت کار شامل ہوں گے۔پچیس سے زائد ممالک کے وفود ،سات سو سے زائد نمائش کنندگان اورایک سو غیر ملکی مندوبین نمائش میں حصہ لیں گے۔
ای کامرس گیٹ وے پاکستان کے گروپ ڈائریکٹر عمیر نظام کا اس حوالے سے کہنا ہے کہ پاکستان کا آئی ٹی سیکٹر صرف ایک صنعت نہیں بلکہ معاشی تبدیلی کا انجن ہے جو اربوں کی سرمایہ کاری اور نوجوانوں کے لیے روزگار کے مواقع فراہم کر رہا ہے۔