پنجاب میں موسمِ سرما کے لیے اسکولوں کے نئے اوقات کار کا اعلان، امتحانات دسمبر تک مؤخر
ویب ڈیسک — لاہور:
پنجاب میں موسمِ سرما کے آغاز کے پیشِ نظر اسکولوں کے نئے اوقات کار کا اعلان کر دیا گیا ہے۔
وزیرِ تعلیم پنجاب رانا سکندر حیات نے اپنے ایکس (سابق ٹوئٹر) پیغام میں بتایا کہ
اب صوبہ بھر کے تمام اسکول صبح 8 بج کر 45 منٹ پر شروع ہوں گے جبکہ چھٹی ایک بج کر 30 منٹ پر دی جائے گی۔
پہلے سمسٹر کے امتحانات مؤخر
پنجاب کے سرکاری اسکولوں میں زیرِ تعلیم ہزاروں طلبا کے
پہلے سمسٹر کے امتحانات مؤخر کر دیے گئے ہیں۔
محکمہ تعلیم پنجاب کی جانب سے جاری اعلامیے کے مطابق
حالیہ سیلاب اور اس دوران تعلیمی اداروں کی بندش کے باعث
نصابی سرگرمیوں میں پیدا ہونے والے خلل کو مدنظر رکھتے ہوئے
امتحانات مؤخر کرنے کا فیصلہ کیا گیا ہے۔
نئی امتحانی پالیسی
پہلے سمسٹر کے امتحانات جو 15 اکتوبر سے شروع ہونا تھے،
اب دسمبر کے پہلے ہفتے میں لیے جائیں گے۔
حکام کے مطابق نئی پالیسی کے تحت
پہلے سمسٹر اور مڈ ٹرم امتحانات کو ضم کر کے ایک ہی مرحلے میں منعقد کیا جائے گا۔
محکمہ تعلیم کا کہنا ہے کہ اس فیصلے کا مقصد
طلبا کو اضافی تیاری کا وقت دینا اور
متاثرہ تعلیمی تسلسل کو بحال کرنا ہے۔
ماہرین تعلیم کے مطابق، موسمِ سرما کے نئے اوقات کار اور امتحانی شیڈول میں تبدیلی
طلبا کے لیے بہتر سہولت اور نصابی توازن پیدا کرے گی۔
