سی ڈی اے کے خلاف ایچ-نائن بازار کے تاجروں کا احتجاج

اسلام آباد۔۔۔وفاقی دارالحکومت کے پشاور موڑ سستا بازار کے تاجروں نے احتجاج کرتے ہوئے دکانیں بند کردیں۔ تاجروں کا کہنا تھا کہ سبزی اور فروٹ کے نرخ ہماری خریداری کے حساب سے مقرر کیے جائیں اور منڈیوں میں قیمتوں کے مطابق ریٹ لسٹیں تیار کی جائیں۔
مظاہرین نے کہا کہ دو سال قبل تک سٹال ہولڈرز کو منڈیوں کے مقابلے میں پانچ فیصد منافع پر نرخ مقرر کیے جاتے تھے، مگر اب دہائیوں سے لگے ہوئے سٹالز ختم کرنے پر مجبور کیا جا رہا ہے۔ تاجروں نے مؤقف اختیار کیا کہ ڈی ایم اے کے اقدامات نہ صرف تاجروں بلکہ شہریوں کے لیے بھی نقصان دہ ہیں۔
مظاہرین نے کہا کہ باپ بیٹے کی ملکیت کو بہانہ بنا کر سٹالز کینسل کرنا ظلم ہے جبکہ ڈی ایم اے مذاکرات کے لیے بھی تیار نہیں۔ تاجروں نے واضح کیا کہ مطالبات کی منظوری تک احتجاج جاری رہے گا۔